 |
|
Hiru
behien zerga |
 |
|
 Europan
diren partzuergoko hitzarmenik
zaharrenetakoa da. Erdia Aroaz
geroztik, Biarnokoek, Baretous
ibarrekoek, hain zuzen, hiru behi
eman behar dizkiete Erronkarikoei.
Behi horiek antzeko adina, ilajea
eta hortzak izan behar dituzte,
Erdi Aroko bake hitzarmen bati
jarraikiz. Urtero, San Martingo
Harrian gauzatzen da zergaren
ordainketa, hor baitago bi ibarren
arteko muga.
Etenik gabe, uztailaren hamahiruan
egin da, duela seiehun urtetik
hona. Zergaren jatorria Pirinioetako
isurialde batekoen eta bestekoen
artean, bazkalekuak eta iturriak
zirela kausa, sorturiko gatazkak
dira. Horiek amai zitezen, bake
hitzarmena egin zen, eta mendez
mende gogorarazi da.
Behiak eskualdatu aurretik, Erronkariko
eta Baretouseko alkateek eskuak
bata bestearen gainean jartzen
dute, eta errituzko esaldi bat
esaten dute hiru aldiz: pax avant
(bakea aurrerantzean). Horrela,
urtez urte, bake hitzarmena berritzen
da bi ibarren artean. Egun, zeremonia
jendetsua da, eta jai giroan egiten
da. |
| Argibide gehiagorako: Tel.
948 893 251 |
|
|
|
|
|
Aezkoako
Eguna |
|
|
 Herri
festa da, jai eta errebindikazio
girokoa; urtero egiten da, iraileko
hirugarren igandeak, eta ehunka
biltzen dira Aezkoakoak. Aezkoa
Kultur Elkarteak antolatzen du,
eta, txandaka, urte bakoitzean
herri batean egiten da. Egitarauan
izaten dira musika, erakusketak,
herri bazkaria, herri kirola... |
|
|
|
|
|
|
Almadiaren
Eguna |
|
|
 Festa
hori urtero egiten da, maiatzaren
hasieran, eta hainbat almadia
jaisten dira Ezka ibaian behera,
bost kilometroko ibilbide batean.
Burgiko Erdi Aroko zubian bukatzen
da, presako jauzia egin ondoren.
Almadien jaitsieraren osagarri,
hainbat ekitaldi egiten dira urtero,
kulturaren, kirolaren edo folklorearen
ingurukoak, hala nola erakusketak,
musika emanaldiak, dantzak, eskulan
azoka, herri bazkaria, ikus entzunezko
proiekzioak, antzerkia, herri
kirola, dantzaldiak... |
|
|
|
|
|
Sorogaingo
marka |
|
|
 Partzuergoek
edo mugaren bi aldeetako aziendek
lurralde berean bazka dezaten
eginiko hitzarmenek Erdi Arotik
hona iraun dute Pirinioetako mugaldeko
ibar batzuetan. Erroibarreko
eta Baigorriko
aziendak Sorogainen xakitzen dira,
marka deritzon zeremonia batean.
Egun, jai giroan egiten da, eta
hangoak zein kanpokoak erruz joaten
dira. Hitzarmena bi ibarretako
ordezkarien arteko bazkariarekin
ospatzen da, eta badira musika,
erakusketak, artisauak, jokoak,
eta denek ikus dezaketen artzain
txakurren lehiaketa ere.
Urtean bi marka egiten dira:
- Maiatzeko bigarren
larunbatean: behi aziendak
eta zaldi aziendak markatzen
dira. Egun horretan, Baigorriko
behi aziendak markatzen dira,
Sorogainen (Erroibarkoa) bazkatuko
baitira udaberrian.
- Iraileko hirugarren
larunbatean: Sorogainen
udazkenean bazkatuko diren abereak
markatzen dira. Baigorriko eta
Erroibarko ardiak markatzen
dira, eta Erroibarko behorrak.
Tel.: 948 768 011.
Urepelen (Baigorri) ere bi marka
egiten dira, hurbileko egunetan.
|
| Argibide gehiagorako: Tel.
948 768 011 |
|
|
|
|
|
|
Bost-Kirol |
|
|
 Mezkiritzen,
1981az geroztik, Bost-kirol pilota
txapelketa egiten da urtero. Honako
modalitate hauek daude: pala motza,
larruzko paleta, xare, gomazko
paleta, eta eskuz. Txapelketa
abuztuaren bukaeratik urriaren
hasierara, asteburuetan, antolatzen
da oraindik.
Egun bi taldek parte hartzen dute.
Talde bakoitzean pilotari bat
dago modalitateko, lehen ez bezala,
pilotari batek modalitate guztietan
jokatzen baitzuen. |
|
|
|
|
|
Auritzeko San Joan gaua |
|
|
 San
Joan gaua ospakizun berezia da,
kristautasuna iritsi aurreko garaietatik
iraun duena. Paganoen jaia da,
sinbolismoz betea, eta bizitza
zikloen aldaketari lotua. Erritua
suen inguruan egiten da, eta lau
elementuak ditu ardaztzat. Auritzeko
suak dira, beharbada, horren erakusgarririk
onena Partzuergoko lurraldeetan.
Herri horretako jaian Trebole
dantza egiten da, eta ogia eta
gazta banatzen da. |
|
|
|
|
|
|
Orhipean |
|
|
 Lanbideen
eta tradizioen festa Otsagabian.
Badira musika tradizionala eta
kalitate handiko kontzertuak (Kepa
Junkera, Luar na Lubre...), erakusketak,
eskulanak, kirol ibilaldiak, eta
abar; eta, horrez gain, jaiaren
ardatza izango den gai bat prestatzen
da. Gai hori Oripeko ibarretan
izan diren ohiturei eta tradizioei
loturik egoten da beti. Irailaren
8aren aurreko asteburuan egiten
da. |
| Argibide gehiagorako: Tel. 948
890 641 |
|
|
|
|
|
Irunberriko
jaiak |
|
|
 Tradizio
handiko jaiak dira, eta oso
errotuta daude jendearen artean.
Abuztuaren 30ean hasten dira,
San Erramun egunaren bezperaz.
Egitarauan hamaika ekitaldi
daude: gaitariak, musika, erraldoiak,
entzierroak Kale Nagusian, pilota
partidak, plater tiroko tokiko
txapelketa, kalderete dastatzea,
Nafarroako ardoen eta gazten
erakusketa, zezensuzkoa, tokiko
artisten pintura erakusketa,
dantzaldiak...
|
|
|
|
|
|
|
|
 |
|
